බිත්තර රහිත චොක්ලට් කේක්
60 Minutes
සාදාගැනීමට ගතවන කාලය
45 Minutes
සැකසීමට ගතවන කාලය
18
සංග්‍රහ කිරීම
ඔබට අවශ්‍ය වේ
- MILKMAID පොඩි ටින් 1ක්
- උණුකර ගත් බටර් 100g
- වතුර 150ml
- වැනිලා එසන්ස් තේ හැඳි 1ක්
- පිටි 200g
- කොකෝවා කුඩු 50g
- බේකින් පවුඩර් තේ හැඳි 2ක්
- බේකින් සෝඩා තේ හැඳි 1ක්
- රටඉදි 100g
- අයිසින් සීනි 200g
- උණුකරගත් වතුර 1 1/2
- අයිසින් කිරීම සඳහා
- මෘදු කරගත් බටර් මේස හැඳි 1ක්
- කොකෝවා කුඩු මේස හැඳි 1ක්
අපි ඒක හදමු
පියවර 1
කොකෝවා පවුඩර්, බේකින් පවුඩර් සහ බේකින් සෝඩා පිටිවලට එකතු කර පෙනේරයකින් හලා ගන්න. MILKMAID, බටර්, වතුර සහ වැනිලා එසන්ස් එකට දමා මිශ්‍ර කරගන්න. ඉන්පසුව හලාගත් පිටි මිශ්‍රණය MILKMAID මිශ්‍රණයට එකතු කරගන්න.
පියවර 2
තෙල් කඩදාසියක් එලා සකස් කරගත් බේකින් තැටියක එම මිශ්‍රණය අතුරා ගන්න. 150ºC උෂ්ණත්වයට පෙර සකස් කරගත් උඳුනක මිනිත්තු 45ක් බේක් කරගන්න.
පියවර 3
මිනිත්තු 10ක් පමණ වයර් රැක් එකක් මත තබා සිසිල් කර ගන්න. ඉන්පසුව ටින් එකෙන් ගලවා සම්පුර්ණයෙන් සිසිල් වනතුරු තබන්න.
පියවර 4
අයිසින් එක සාදා ගැනීම සඳහා බටර් භාජනයකට දමන්න. එයට කොකෝවා පවුඩර්, අයිසින් සීනි සහ උණු වතුර එක් කර මෘදු වනතෙක් මිශ්‍ර කරන්න.
පියවර 5
හොඳින් රස්නය ඉවත් වූ පසු කේක් එකෙහි අයිසිං තවරා ගන්න.
