Sorry, you need to enable JavaScript to visit this website.
Buy Now

මිල්ක්මේඩ් ඇපල් ක්‍රම්බල් ස්වීට් පීසා

Rating

15 Minutes

සාදාගැනීමට ගතවන කාලය

40 Minutes

සැකසීමට ගතවන කාලය

6

සංග්‍රහ කිරීම

ඔබට අවශ්‍ය වේ

  • මෝලිය සඳහා
  • මිල්ක්මේඩ් 200g
  • පිටි 500g
  • මඳ උණු ජලය 200ml
  • වියළි යීස්ට් 12g
  • එළවළු තෙල් 50ml
  • ලුණු මේසහැඳි 1
  • ඇපල් ක්‍රම්බල් ටොපින් සඳහා
  • කැබලි කපාගත් රතු ඇපල් 2
  • ජලය මේසහැඳි 2
  • මිල්ක්මේඩ් 100g
  • කාස්ටර් ෂුගර් 100g
  • පිටි 150g
  • ලුණු රහිත බටර් සිසිල් කළ හා කැට 150g

අපි ඒක හදමු

මෝලිය සඳහා
පියවර 1
මඳ උණු ජලය විශාල බඳුනකට දමා එයට යීස්ට් එකතු කරන්න. ගෑරුප්පුවක ආධාරයෙන් හොඳින් මිශ්‍ර කරන්න. මිල්ක්මේඩ් සහ තෙල් ද ඊට එක්කර හොඳින් මිශ්‍ර කරන්න
පියවර 2
පිටි ටික ක්‍රමානුකූලව මිශ්‍රණයට එක්කරන්න. ඉන්පසු, ලුණු ද එක්කර මිශ්‍ර කරන්න. මෝලිය හොඳින් තෙතමනය සහිතව තිබිය යුතුය
පියවර 3
බඳුන පොලිතින් හෝ තෙත රෙදිකඩකින් ආවරණය කර මිශ්‍රණය දෙගුණයක ප්‍රමාණයට විශාල වන තෙක් පැය 2ක් පමණ තබන්න
පියවර 4
පැය 2කට පසුව, බේකින් තැටියේ තෙල් තවරා තෙත මෝලිය තැටියට දමාගන්න. මිශ්‍රණය තැටිය පුරා නිසි ලෙස සමතල කරගෙන මිනිත්තු 30ක් තබන්න
පියවර 5
ඇඟිලි තුඩුවලින් මෝලිය සිදුරු කර ජලය ස්වල්පයක් ඉසින්න
පියවර 6
අවන් එක 220ක උෂ්ණත්වයට රත් වෙන්නට තබා පියකරු රන්වන් පැහැයකින් හා ක්‍රිස්පි ගතියෙන් ස්වීට් පීසා සැකසෙන තෙක් මිනිත්තු 20-25ක් බේක් කරගන්න
ඇපල් ක්‍රම්බල් ටොපින් සඳහා
පියවර 1
ඇපල් බටර් 50g සමඟ ක්‍රිස්පි ගතියට එන තෙක් මද ගින්නේ පිසගන්න. එයට මිල්ක්මේඩ් එකතු කර කැරමල් සාරයට හැරෙන තෙක් පිසගන්න. සවිවීම සඳහා සිසිල් වන්නට තබන්න
පියවර 2
අවන් එක 180 උෂ්ණත්වයට රත් කරගන්න
පියවර 3
ක්‍රම්බල් සකසා ගැනීම සඳහා විශාල ප්‍රමාණයේ බඳුනකට සීනි දමා ඉතිරි බටර් සහ පිටි එයට එකතු කර ඇඟිලි තුඩුවලින් හොඳින් මිශ්‍ර කරමින් කුඩු 50%ක් සහ කැබලි 50%ක් සේ සැකසෙන සාදාගන්න
පියවර 4
මිශ්‍රණය බේකින් තැටියකට මාරු කර සමතල වන සේ සකසා මිනිත්තු 20ක් බේක් කරගෙන සිසිල් වෙන්නට හරින්න
පියවර 5
ඇපල් මිශ්‍රණය පීසා මතුපිට ආලේප කරගන්න. ඉන්පසු, මතුපිටට ක්‍රම්බල් යහමින් ඉසින්න. මිල්ක්මේඩ් ස්වල්පයක් සහ මින්ට් කොළ යොදා සරසාගෙන පිළිගන්වන්න